Category Archives: રેખાબેન પટેલ
પ્રણયની સુવાસ હોય તો ઉડવાને તકલીફ નથી…!!
જો મૌનના સંવાદ હોય તો કોઈને નડતા નથી
સ્વપ્નનાં આવાસ હોય તો કોઈને જડતા નથી
ઝાંઝવાના જળ ને સુરજ થી તકલીફ નથી
મન થી મળવા આવો કોઈ દોરાહા પડતા નથી
પ્રણયની સુવાસ હોય તો ઉડવાને તકલીફ નથી
મનમાં ખીલ્યાં પુષ્પો કઈ પાનખરે ખરતા નથી
આંખોના સંવાદ હોય ત્યાં ભાષાને તકલીફ નથી
આશા નિરાશા સાથમાં રહીને પણ લડતા નથી
હોય સમુંદર સ્નેહનો તો ડરવાને તકલીફ નથી
વચમાં ઘૂઘવતા દરિયા અહી કોઈને નડતા નથી
મેળવી લીધો પ્રાસ સખી મે કોઇને તકલીફ નથી
શબ્દોના મધુર સ્મરણથી એ આગળ વધતા નથી
રેખા (સખી) 2/16/13
જા સખી નહિ બોલું…!!
મને વાગે તારી હળવાશ જા સખી નહિ બોલું
તારા મલકાતાં મૌનની સુવાસ …
જા સખી નહિ બોલું
તારી પાયલની છમછમ,ને ચૂડીઓની ખનખન
જોને છેડે મારા મનડાં ની કુમાશ …
જા સખી નહિ બોલું
તારા સ્મિત મઘુરા,એ વિના જીવન અધૂરા
એણે ફેલાવી રંગો કેરી લાલાશ ….
જા સખી નહિ બોલું
તારી મસ્તીની તાજગી,આ રૂપ કેરી સાદગી
આજ તારો બઘો સહવાસ …
જા સખી નહિ બોલું
વિના તારે તનડું સીઝાય,મારું મનડું પીસાય ,
તારીજ મોરપિચ્છ માં નીલાસ …
જા સખી નહિ બોલું
આ મારી મોરલી રીસાય, સહુ સુર સોરાય
હું કેમે સજાવું વનરાવન રાસ …
જા સખી નહિ બોલું
કવિ હૃદયના લેખ... 